Kryeministri i Kosovës, Albin Kurti ka kujtuar fëmijën Leotrim Ahmeti nga Rezalla e Skënderajt në 26 vjetorin e vrasjes së tij, duke thënë se qëndrojnë në rrugën e drejtësisë dhe të paqes, për t`u siguruar që të gjithë fëmijët e Kosovës, të mund të luajnë të lirë, pa frikën e plumbave dhe granatave.
Me anë të një postimi në Facebook se oborri i familjes Ahmeti në Rezallë të Skenderajt ishte plot me fëmijë dhe se ata po prisnin të hipin në traktor, shkruan Arbresh.info.
“Po largoheshin nga shtëpia pas sulmeve të forcave serbe në fshat. Shtëpia u sulmua me minahedhës. Tymi mbuloi oborrin. Shumë nga fëmijët u plagosën rëndë”, ka shkruar Kurti.
“Oj nanë, kqyr se edhe unë kam diçka në bark, jam sëmut prej barku. Kur ia kam hjek teshat ia kam parë se iu kish qky barku dhe i kishin ra zorrët. Ia kam qit xhemperin me ia mbulu. Më ka thënë: Ma nanë, mos m’prek, se po m’dhem’ shumë’”, rrëfen nëna e Leotrimit, Shukria.”, ka shkruar Kurti.
Leotrim Ahmeti, 7 vjeçar, ndërroi jetë më 11 shtator të vitit 1998 në Spitalin Ushtarak në Gradicë të Drenasit. Plagëve nuk u mbijetoi as shoqja e tij e klasës, Xufe Ahmeti, 7 vjeçare, e plagosur atë ditë.Sot kujtojmë Leotrimin, Xufen dhe të gjithë fëmijët martirë. Qëndrojmë në rrugën e drejtësisë dhe të paqes, për t’u siguruar që të gjithë fëmijët e Kosovës, të mund të luajnë të lirë, pa frikën e plumbave dhe granatave. Sakrifica e tyre na kujton se sa i lartë është çmimi i lirisë sonë”, shtoi ai./Arbresh.info/
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite